http://harem4dev.ahlamontada.com/forum.htm

منتدى مدينة حارم

المواضيع الأخيرة

» سجل حضورك
الجمعة أغسطس 01, 2014 2:37 pm من طرف محمد باسل

» الان احصل على وحدات MTN ببلاش ومجانا جرب وشوف
السبت يناير 04, 2014 6:17 pm من طرف زائر

» هام جدا عن الموز
الأربعاء فبراير 20, 2013 1:53 pm من طرف زائر

» النشيد الثوري العرعوري
الإثنين يناير 28, 2013 9:34 am من طرف زائر

» ماهي المهنة اللتي تناسب المرأة؟؟؟
الأحد أكتوبر 21, 2012 3:43 pm من طرف محمد باسل

» لماذا يبكيك الرجال يا حارم
الثلاثاء أكتوبر 09, 2012 12:33 pm من طرف زائر

» عذرا عذرا عذرا عذرا
الثلاثاء أغسطس 28, 2012 3:28 pm من طرف زائر

» ما هلك من هلك من قبلنا
الإثنين أغسطس 27, 2012 10:24 am من طرف زائر

» استشهاد حسام
الأحد أغسطس 26, 2012 9:24 pm من طرف Harem Baladi

مكتبة الصور


احصائيات

أعضاؤنا قدموا 7835 مساهمة في هذا المنتدى في 1644 موضوع

هذا المنتدى يتوفر على 376 عُضو.

آخر عُضو مُسجل هو ameensaleh فمرحباً به.

  • إرسال موضوع جديد
  • إرسال مساهمة في موضوع

موضوع تعبير

شاطر

محمد باسل


عدد المساهمات: 258
تاريخ التسجيل: 25/12/2010
العمر: 29
الموقع: الصين-جياشينغ

موضوع تعبير

مُساهمة  محمد باسل في الأربعاء يناير 12, 2011 9:40 am

طلب أستاذ الصف السادس الابتدائي من تلاميذه كتابة موضوع تعبير حيث كان النص على الشكل التالي:
" لي عم مهاجر أكتب إليه رسالة أحثه فيها على العودة والتحرر من آلام الغربة, وأعلمه فيها بالتطور الذي طرأ على الوطن بعد رحيله, وزوال الأسباب التي دفعته إلى الهجرة."
نظر الطلاب إلى الأستاذ وهموا بكتابة الموضوع, لكن صوت التلميذ ديبو المتسائل أوقفهم عن عملية الكتابة.
ديبو: أستاذ شو يعني "أحثه" ؟!
الأستاذ: أحثه يعني بتقله أنو كل شي تمام والوضع عال العال يا بهيم مشان يتحمس ويرجع.
ديبو: يعني أعمل له البحر طحينة, وأرش له قنبز مشان يرجع...مو هيك أستاذ؟
الأستاذ: اخرس واكتب من تم ساكت... من وين متعلم هالحكي ولاه؟
ديبو: من المسلسلات أستاذ.
الأستاذ: لا بقى تتفرج عالتلفزيون يا دب.
ديبو: ما بقدر أستاذ..بحب المسلسلات.
الأستاذ: تفرج لكان عالمسلسلات التاريخية.
ديبو: حاضر أستاذ.
سعاد: أستاذ شو يعني تحرر؟!
الأستاذ: تحرر يعني أن نحارب العادات والتقاليد البالية.
سعاد: شو يعني عادات وتقاليد بالية أستاذ؟
الأستاذ: يعني متل ضرب الزوجات والأولاد.
فراس: أستاذ شو يعني آلام الغربة؟!
الأستاذ: يعني أنو عمك بيكون قاعد بالمهجر, وهو عم يتألم كل يوم لأنه حن الى الوطن.
سلوى: أستاذ شو يعني تطور؟!
الأستاذ: يعني متل سويسرا فرد شكل.
ليلى: أستاذ شو يعني زوال الأسباب التي دعته إلى الهجرة؟!
الأستاذ: يعني ما عاد في هم وغم ولعية قلب عالرايحة والجاية..

وكتب التلاميذ موضوعهم كما يلي:
عمي العزيز..بعد التحية والسلام, نحثك على العودة إلى الوطن, فالوطن جميل وفي كل شارع وكل رصيف ستجد كميات من القنبز المرشوش من هنا وهناك, ولكي تصدق فقد ذهبنا في رحلة إلى رأس البسيط وشاهدنا القنبز على طول الطريق, وكان من الخطأ أن نذهب في الرحلة, لأن عمو تبع النشرة الجوية قال إن الطريق غير سالك بسبب تراكم القنبز, ولكننا لم نسمع النشرة لأننا كنا نتفرج على مسلسل باب الحارة.
المهم يا عم مالك بالطويلة وصلنا إلى رأس البسيط بعد عذاب شديد بسبب القنبز, فشاهدنا البحر وركضنا لنسبح فيه, ولكننا لم نستطع لأنه كان كله طحينة, اي عن جد تعا وشوف بعينك صار البحر طحينة.
وعندما عدنا إلى المنزل لم يضرب بابا الماما لأنه بصراحة تجوز عليها وصار يضرب مرته الجديدة, لذلك لا تهتم بالعادات والتقاليد البالية فلقد قضينا عليها.
فإذا خرجت إلى الشارع فستجد السيارات وهي تطاحش على بعضها وعلى المشاة, وستشاهد الشوارع الزفت اللي مو مزفتة بسبب الحفريات تبع التطور, والأرصفة اللي كل سنة لون, وكل شهر شكل بسبب تغيرات التطور, يعني متل سويسرا فرد شكل..بس كل يوم شكل.
كفاك آلاما في الغربة, نعرف انك تتألم عندما تقبض راتبك الكبير, وتتألم عندما تشاهد الشوارع النظيفة في الغربة, والشوفيرية الأكابر اللي ما بيهجموا عليك مشان تركض مرعوب,
نعرف أنك تتألم عندما يقول لك البقال "غود مورنينغ سير", وعندما تدفع شركتك المصاري للطبيب عوضاً عنك, وعندما تساعدك البلدية على فتح شي مشروع, وعندما يعطيك البنك قرضاً مشان تنفذ أفكارك,
نعرف أنك تعاني وتتألم في الغربة, فتعال يا عمي, لأنك إذا لم تأتي سنأخذ صفر في التعبير, بقى بيهون عليك نرسب يا عمو؟؟؟

المهندس العربي


عدد المساهمات: 303
تاريخ التسجيل: 25/10/2010
العمر: 27
الموقع: حلب

رد: موضوع تعبير

مُساهمة  المهندس العربي في الأربعاء يناير 12, 2011 7:04 pm

بالفعل موضوع تعبير معبر
يا هيك المواضيع يا بلا
أكيد هلق عموووو بدو يرجع بأقرب طيارة بس المشكلة رح ياخدو صفر مافي فكة
هههههههههههههه

ضوووو


عدد المساهمات: 282
تاريخ التسجيل: 15/05/2010
العمر: 25

رد: موضوع تعبير

مُساهمة  ضوووو في الأربعاء يناير 12, 2011 9:55 pm

ههههههههه
عمووووووووو فرح شي بعشرة وجاية ركض كمان


  • إرسال موضوع جديد
  • إرسال مساهمة في موضوع

الوقت/التاريخ الآن هو الجمعة أكتوبر 31, 2014 8:33 am